АКТ ЗА ПРЕСПА

Проектот „ACT4PRESPA“ (АКТ ЗА ПРЕСПА) се спроведува во рамките на програмата ЕУ за одржлив развој на регионото на Преспанското Езеро, како рестриктивен повик кој се имплементира под EuropeAid/178154/DD/ACT/MK, Инструмент за претпристапна помош за рурален развој, и с еоднесува на активности кои треба да бидат имплементирани исклучиво во делот на Преспанското Езеро, Република Северна Македонија.

Овој проект целосно одговара на целите и приоритетите на овој Повик за предлози бидејќи се однесува на еколошките, социјалните и економските предизвици тесно поврзани со заштитата и промоцијата на природното и културното наследство и вредности, со што се овозможува одржлив социо-економски развој на подрачјето на Преспанското Езеро.

Имајќи го предвид горенаведеното, предлог-проектот „ACT4PRESPA“  ги поставува своите специфични цели на следниот начин:

• Да се збогати знаењето за постоењето на подводното археолошко наследство во Преспанското Езеро и да се валоризираат најистакнатите елементи на културното наследство во областа;

• Да се заштити културната разновидност и да се придонесе за подобар квалитет на живот во областа Преспа со користење на дигитални технологии со цел да се подобри пристапот на јавноста до различни форми на културни добра;

• Да се даде пошироко препознавање на највредните споменици во регионот на Преспа како главно културно наследство и цивилизациски маркери и да се промовираат конзерваторските активности во корист на сегашните и идните генерации;

• Да се подигне јавната свест за политиките и најдобрите практики за заштита на културното наследство со цел да се обезбеди негов одржлив развој.

Покрај овие специфични цели, проектните активности се тесно поврзани и вклучуваат:

• Подводни археолошки истражувања во Преспанското Езеро;

• Непосредна конзервација на покривот на Сарајот (III фаза), еден од највредните споменици во областа на Преспанското Езеро, кој се наоѓа во Ресен;

• Конзервација на фрескоживописот во црквата Св. Петка, село Брајчино;

• Валоризација на неколку материјални и нематеријални добра, вклучително и теренско истражување;

• Дигитализација и изработка на интерактивна 3Д мапа на културното наследство, како и дигитализација на усните традиции и изрази од Преспанскиот регион;

• Организација на изложби;

• Организирање на студиски посети, меѓународни конференции, јавни настани итн.

Со цел да се даде поголемо значење и вклучување на јавноста, а со цел резултатите да бидат подостапни за пошироката јавност, до крајот на проектот, сите материјали ќе бидат достапни во реконструираната зграда на Старото училиште „Димитар Влахов. “ во село Љубојно.

Партнерството на проектот „ACT4PRESPA“ посветува големо внимание на целните групи, нивните потреби и ограничувања, во исто време, внимателно избирајќи ги најдобрите пристапи за да обезбеди нивно активно вклучување. Активностите ги вклучуваат следните целни групи:

• Културните институции (музеи, библиотеки, културни центри итн.) ќе го дадат својот придонес преку нивното активно учество во предложените активности, искористувајќи ја можноста да започнат нови соработки и културна размена во прекуграничниот регион.

• Експертите за културно наследство (кустоси и конзерватори) ќе играат важна улога и ќе бидат вклучени во сите предложени акции.

• Студентите од архитектура и етнологија и антропологија ќе имаат можност да учествуваат во истражувањето на материјалното и нематеријалното културно наследство во областа на Преспанското Езеро за да се стекнат со основни вештини и знаења за заштитата на културното наследство.

• Засегнатите страни поврзани со туризмот ќе ги дадат своите повратни информации и всушност ќе станат силни поддржувачи на акцијата бидејќи таа ги надградува потенцијалите на заштитеното културно наследство и ја проширува сегашната туристичка понуда на подрачјето на Преспанското Езеро.

• Граѓанските организации можат да му дадат дополнителна вредност на проектот и да ги поврзат заедниците преку промовирање и зачувување на нивниот идентитет, традиција и вредности. Претставувајќи организации кои произлегуваат од самата средина и кои имаат долгорочен контакт со локалните заедници, тие ќе обезбедат пред сé добри локални контакти и безбедно спроведување на проектот.

• Локалните и регионалните владини единици имаат клучна улога во однос на стратешката поддршка, не само за зачувување и промоција на културното наследство, туку и за сите аспекти кои влијаат на одржливиот социо-економски развој на локално, национално и регионално ниво.

Проектот „ACT4PRESPA“ е имплементиран од страна на пет партнери:

• НУ „Завод и музеј“ – Битола, Северна Македонија – Водечки партнер;

• Граѓанска организација за развој на алтернативен туризам – Љубојно, с. Љубојно, Општина Ресен, Северна Македонија – Партнер;

• Универзитет Аристотелис, Солун, Грција – Партнер;

• Национален музеј за Средновековна уметност Корча, Албанија – Партнер;

• Идеја за култура, Грција – Партнер.

Вкупен буџет на проектот: 443.400 Евра

Период на имплементација: 36 месеци