Фреска од црквата „Св. Ѓорѓи“ во Курбиново, претстава на Ангелот Гаврил

• Име на предметот: Фреска од црквата „Св. Ѓорѓи“ во Курбиново, претстава на Ангелот Гаврил
• Период/датација: 1181 година
• Потекло: Црква „Св Ѓорѓи“, Курбиново, Преспа
• Материјал/техника: малтер насликан со фреско бои
• Димензии: sидна површина – фреска во самата црква

Кратка приказна (опис):

Портрет на Ангелот Гаврил. Насликан е во целата големина. Свртен е кон десната страна. На главата има кружен ореол. Главата му е насликана во полупрофил. Долга и виткана коса која се протега до вратот на задната страна а напред, локни од косата му го покриваат челото. Лицето му е милозливо, смирено и благородно. Двете раце му се подигнати во висина на главата и се во гест на молитва.

Назад, од крајот на вратот до плешката се насликани бели крила кој се рашируваат со големина која е колку половина од неговото издолжено насликано тело. Облеклото му е во вид на платно кое е со бројни набори кои слободно паѓаат надолу. Анонимниот сликар, работел во стилот на византиската уметност – што значи – прецизен цртеж, издолжено духовно тело, линии кои се елегантни и богато нанесени, прецизно и точно.
Фреската е во црквата „Св. Георги“, еден е од најпознатите мотиви, по убавината и начинот на сликање како и староста од кога е направена, скоро илјада години. По убавината, духовноста, мајсторската изработка оваа слика – фреска е дел од сликите на оваа црква која е светско културно наследство, нешто што ја потврдува културата, уметноста и значењето на уметноста на Македонија во светот.