- Име на предметот: Брош
- Период/датација: 12-13век
- Потекло: археолошкиот локалитет „Средсело“ с. Лажец, битолско
- Материјал/техника: бронза, исчукување и лиење во плиток рељеф
- Димензии: 4,5 см
Кратка приказна и опис: Брошовите уште од античкото време служеле како додаток за прицврстување на облеката. Најчесто тоа бил женски накит, кој што покрај за украс имал и функција за закопчување на облеклото во висина на градите. Овој брош е изработен од бронза и е по потекло од средниот век. Има кружна форма. Претставува украс кој што е во вид на цвет. На средина има испакнато кругче кое е слично на пупка од цут или цвет. Околу, повторно во кружна форма се направени во плиток рељеф стилизирани мали ливченца. На крајот брошот завршува со три кружни линии. Покрај што е како цвет, брошот е и направен како сонце составено од ливченца.
Овој брош е карактеристичен и по тоа што во периодот од кога е направен, кругчето насредина било симбол на социјалната и материјалната положба на носителот. Но најважно, таквите испакнати кружни елементи во средниот век, се верувало дека служеле и за заштита од зло.
Исто така целата кружена ситуција затворена на крајот со три непрекинати линии била со значење за зачувување на енергијата на носителот.
You must be logged in to post a comment.