Во пресрет на денот на лицата со попреченост, на 25.11. во 12 часот беше промовирана мултисензорна изложба „Музеј за сите- сликите можат да се допрат, сликите зборуваат“, составена од 16 тактилни панели.
Оваа изложба е продолжување на проектот „Музеј за сите“, во кој преку примена на современи решенија, се подобрува пристапноста до музејските содржини.
Досега се опфатени повеќе од 100 предмети од музејската поставка, кои со соодветен опис и квалитетни фотографии, се поставени на веб страната на музејот. На овој начин, овие предмети се прават достапни 24/7 за сите „онлајн“ посетители ширум светот, а во исто време преку употреба на QR кодови во музејската поставка, се збогатува приказната за секој музејски предмет.
Дополнително, за секој предмет се изработени и видеа на знаковен јазик наменети за лицата со оштетен слух и тактилни паноа за лицата со оштетен вид.
Тактилното пано е составено од тактилна слика за музејски експонат од НУ Завод и музеј Битола, пропратена со опис на Брајово писмо. Описот клучен елемент за разбирање на тактилната слика од страна на слепите лица и голем проблем претставува непознавањето на Брајово писмо.
Нов момент во изложбата која моментално е изложена во Мала сала на НУ Завод и музеј Битола, е употребата на NFC тагови, кои во комбинација со паметен телефон, им овозможуваат и на лицата кои не знаат да читаат Брајово писмо, да можат самостојно да ја посетат изложбата.
Проектот е поддржан од Министерство за култура.
Д-р Ирена Ружин- раководител на проектот;
м-р Јове Парговски – изработка на тактилни слики, автор на концептот
Подготовка на текстови/ описи на предмети:
Владо Ѓорески, Ефросинија Паревска, Јасмина Гулевска, Слободан Стојкоски;
м-р Катерина Шарковска- лиценциран интерпретатор на знаковен јазик, Андријана Шокларовска- текстови на Брајово писмо, Д-р Силвана Петровска-Насух- наратор; Михаил Марковски- подготовка на аудио и видео материјали и монтажа, Александар Котевски-камера; Горан Кочов-техничка обработка, Сашо Ружин- фото и озвучување;
Консултант: Весна Софрониевска- Здружение на слепи лица; Кочо Рацин Битола Мобилност Битола, Членови на Балканска музејска група за пристапност. @Museumforall, Balkan Museum Network
You must be logged in to post a comment.