Традиционалниот македонски накит и неговата изработка се израз на едно од највисоките уметнички достигнувања на македонските мајстори. Немајќи посебна шема за изработка, секој мајстор ја користел единствено својата фантазија и креативност во неговата изработка.
Фреската е централна слика во црквата. Насликана е над олтарниот дел и е најзначајна по местото и симболиката што ја содржи.
Портрет на Ангелот Михаил. Насликан е во целата големина. Свртен е кон десната страна. На главата има кружен ореол. Главата му е насликана во полупрофил.
Мотив “копито“, извезен со волнени конци во бордо, зелена и портокалова боја. Мотивот е застапен по целата површина на ракавот на кошулата, поставен во четири редови нагоре.
Килимот е изработен од волна, ткаен на разбој. Исткаен е во три поли кои се составени. Годината на изработка е исткаена на самиот килим во горниот дел. Во основата е исткаен во темно сина боја, бордурата е во црвена боја.
Оваа куќа се наоѓа во тесната уличка што води до ОУ „Кирил и Методиј“ и црквата Св.Богородица. Таа има централно поставена порта, низ која се влегувало во долг ходник кој води до дворот.
Резбаните тавани претставуваат еден од најзначајните и можеби највпечатливи елементи од куќниот инвентар на битолската градска куќа.
Мери Метјус предавала во училиштето и го надгледувала сиропиталиштето во периодот по Илинденското востание, се грижела за нејзините ученици и учители и успеала да ги одржи во добра здравствена состојба за време на големиот број на епидемии.
Портрет на партизан: насликан до горниот дел на градите. На главата носи качкет со петокрака на предниот дел и полукружен визир. Капата му го покрива челото.
На фотографијате е претставен Мустафа Кемал Ататурк. Сликата е дел од постојаната поставка во Спомен собата која е сместена на вториот кат на музејот.
